Манастириште - Студењак — археолошко наоѓалиште во селото Калиманци, сместено на 3 км северно од стариот пат Кочани-Делчево. Претставува населба од римско време. Во нивите на мештани се среќаваат фрагменти од керамички садови и градежен материјал. Во почетокот на 1950-тите години биле откриени две женски статуи (каријатиди), изработени од крупнозрнест мермер, коишто денес се чуваат во Заводот и музеј во Штип.